روايه ابني ليل الكاتبه اميره اسامه

عادي بقي يتجوز دره يتجوز غيرها مش هتفرق
لكن انا غيره يا عبدالله انا بنحب وقلبي مع حد تاني
عبدالله كرم مش بيحبك ليه البعيده مبتشوفش ده بيعشق التراب اللي بتمشي عليه
دره مين اللي قااااال انتوا بس عشان بتحبوا مش قادرين تشوفوا غير الحدوته دي لا انا بحبه ولا هو بيحبني احنا اخوات بس كرم مس هيقدر يقول كده لاني قولتلك مش فارق معاه انا بالنسباله هبقي شريكه حياه مناسبه لكن انا لا

عبدالله بصي يا دره انا عشان بنحبك وانتي عارفه انتي بالنسبالي ايه هنعتبر روحي مسمعتش واعملي حسابك
اي مشوار هتروحي او تيجي منه انا هنبقي معاكي ورجلي علي رجلك مفهوم 
دره وانا مش هنبطل كلام يا عبدالله وهنفضلوا وراك انت وامي ولو حكمت هندخل ابويا ونحكيله 
رجع عبدالله من ذكرياته وهو باصص للسقف وخارجه منه تنهيده حزن
عبدالله يارتنا كنا خدنا كلامك بجد يا دره لا كنتي انتي اتوجعتي ولا وجعت صاحب عمري و خسرته
اما عند نجوى الوضع مكانش يختلف كتير عندها هي كمان كانت ڠرقانه في ذكرايتها و كأن رجوع دره صحي جواهم الماضي من جديد 
نجوى يعني ايه يا دره يكونش الولا كرم زعلك عشان كده جايه تقولي الكلام ده
دره ابدا والله يا نوجا ده كرم ده طيب وغلبان ومحترم و انتي عارفه انه غالي عندي
نجوى غالي عندك يعني بتحبيه ولا ايه
دره افهميني يا نوجا بنحبه مش هننكر بس زي عبدالله مش عارفه نحبه حب ست لراجل ولا كرم كمان بيحبني
نجوى مين قالك يادره كرم بيحبك ولو مكانش رايدك مكانش وافق
دره وافق عشان اصلا مفيش حد في حياته كل تركيزه على دراسته وبس انا بقى ولا غيري مش هتفرق ويمكن كمان مقدرش يقول لا لابوه او اتكسف من امي وعبدالله وابويا
نجوى اللي نعرفوا يا دره ان أه كرم طيب و طوع ومحترم بس كمان لو هو مش عايز يعمل اي حاجه مبيعملش هو لو مش بيحبك مش هيوافق حتي لو
زي ما بتقولي قلبه خالي
دره يمكن انتي صح بس صدقيني انا اللي في حياه كرم الوقت واقدر احس هو مبسوط او لا كرم عادي يا نوجا لا مبسوط ولا مهتم صدقيني يا نوجا انا مش هنقدر
نجوى طيب انتي عايزه ايه يا دره
دره عيزاكي تتكلمي مع امي 
نجوى ماشي هنتكلموا معاها بس كمان قبل ما الموضوع يدخل في الجد عيزاكي تستخيري ربنا يابت انا متمناش غيرك لكرم بس زي ما يهمني راحته يهمني راحتك عشان ده جواز و عمر بحاله هتبقوا مع بعض ومينفعش يبقى في بينكم مشاكل 
دره ربنا يخليكي ليا يا نوجا ياريت ماما تقدر تسمعني زي ما سمعتيني
نبيله يعني ايه مش فاهمه
نجوى اللي سمعتيه البت جاتلي امبارح و بتتحايل عليا نتكلموا معاكي
نبيله شوف البت يعني بعد ما قالتلي كلامها الخايب ده وقولنالها تقفل عليه تيجي ببجاحتها وتروح لامه وتقولها
نجوى جرالك ايه يا نبيله ومن امته احنا بنفرقوا بينهم زي ما كرم ابنك دره بنتي واوعي تفتكري اني زعلت منها عشان جات قالتلي كده دره لو مش بتحبني وبتعتبرني زيك بالظبط مكانتش جات
نبيله مش قصدي يا نجوى بس منعرفش ايه اللي جرا للبت دي دول اكيد خدوا عين
نجوى طيب مش يمكن البت مش بتحبه يا نبيله معقول هنغصبوا عليها
نبيله انتي بيخيل عليكي محڼ البنات ده يا نجوى ولما هي يا اختي مش بتحبه لبست دبلته و أتخطبتله ليه هي من زمان وهي عارفه انها مكتوبه على اسمه وبعدين ما هي كانت مبسوطه وعلى طول يا أختي نشوفوها هي وهو بيتودودو مع بعض و أول ما يشوفوا ابوها يسكتوا قال اخوها قال تلاقيه زعلها فا قلبت عليه
نجوى والنبي قولتلها كده شكله زعلك قالت لا كرم طيب ومبيزعلنيش فضلت نتكلم معاها ونقولها استخيري ربنا والولا بيحبك بس هي على كلمه واحده كرم زي اخويا
نبيله مش بنقولك مش عارفه مصلحتها انا مرضتش نقولك الا تزعلي وتاخدي على كلامها بس عشان نعرفك ان هي بتقول كلام مش واعيه ليه البت جايه تقولي انا بنحب غيره بقالي كتير
نجوى احيه 
نبيله هي بتحاول تقول اي حاجه لما هي بتحب بقالها كتير جايه تقول بعد ما اتخطبت بشهر مش بنقولك كهن بنات
عموما سيبك منها بكره يا اختي يتصالحوا 
نجوى هو يقدر قال يزعلها قال طب ده انا كنت نكرشوا ده كله الا دره
نبيله افضلي يا اختي دلعي فيها هي والخايبه التانيه
نجوى بنحب خلفه البنات يا نبيله ومنقدرش نشوفهم زعلانين
نبيله بكره لما تشوفيهم في بيت واحد تعرفي وتبقي تسمعي كلامي وبعدين دي كلها على بعضها كام سنه يعني متعرفش مصلحتها
نجوى على قولك لسه ميعرفوش مصلحتهم
فاقت نجوى بۏجع
نجوى احنا اللي مكناش عارفين مصلحتهم يا نبيله
فضل الماضي ينهش في عقولهم وقلوبهم كانت ليله صعبه على الكل
وخاصتا دره وكرم 
لا كانت عارفه تنام من ۏجعها على كرم واللي عرفته عنه ولا عارفه تنام من ۏجعها علي نفسها وحرمانها كل السنين دي من اهلها مش عارفه مين فيهم اللي ظالم ومين المظلوم لكن كل اللي قدرت توصله ان في بني ادم اتظلم زيها واكتر منها كمان وعاش حياته وحيد 
حسن يعني ايه دره مكانتش بتحب كرم
دعاء للاسف دي الحقيقه اللي خبتها عنك يا حسن كل مره كنت بتسألني كنت بنقولك اي حاجه او كنا بنتهربوا 
بس خلاص مبقاش في لزوم للهروب دره رجعت و هتفضل هنا يعني مفيش اي داعي
حسن طيب وكرم كان عارف حاجه زي دي 
دعاء لأ كرم كان فاكر ان دره بتحبه بس دره

كانت بتحبه زي ما بتحب عبدالله وبكر كلنا اتربينا سوا بس هو يمكن فكر عشان من زمان جدك والمعلم رفاعي كاتبينهم علي اسم بعض ودره عمرها ما اعترضت ولا اتكلمت في الموضوع ده فكرها موافقه وبتحبه بس سكوتها كان لسه عدم فهم منها كان لسه قلبها محبش بجد ولما حبت بدأت وقتها تحارب عشان متكملش وانا كنت شاهده على كل ده
اتحايلت على ستك وابوك وجدك كتير كانوا رافضين وشايفنها لسه عيله متعرفش مصلحتها وبيني وبينك كرم مكانش يتعيب واكيد اي اهل مكانهم مستحيل يضحوا بعريس زيه لبنتهم
وقتها بقي ستك كانت كابسه على انفاسها وابوك فضل رايح جاي معاها في كل حته بس يوسف كان صابر ومتحمل لحد ما في يوم جه
لجدك تحت اتكلم معاه كتير وقتها جدك حس انه فعلا كويس و بيحبها وعايز يجبلها حته من السماء كان ابن ناس واهله مبسوطين بردوا والاهم ان دره بتحبه
فا جدك قرر وقتها وهو مغلوب على امره انه يوافق خاف لا دره من كتر ما هي بتحاول والكل واقف قصادها انها تتجوزه من غير علمهم وتوطي راسه في الارض قال تتجوز بمعرفتنا بدل ما تهرب وسيرتها وسيرتنا تبقي على كل لسان يوسف وقتها كان مستعجل عشان كان حابب يكمل دراسه بره وقال ان دره كمان هتاخد الدكتوراه من هناك وفرصتها هتبقي افضل 
حسن طيب ولما يوسف جوزها ده كان كويس اوي كده ايه اللي شقلب كيانه
دعاء منعرفش سبحان مغير القلوب يمكن البت اللي كانت معاهم دي لعبت بدماغه الله اعلم ايه اللي حصل بس طول السنين اللي فاتت عمتك فعلا كانت مبسوطه معاه الله يسامحه بقي وينتقم من اللي خربت بيتهم
حسن بيتهيألي لو كرم عرف انها مكانتش بتحبه ممكن يروح فيها
دعاء مش هتفرق كتير يا حسن اللي عاشوا كرم طول السنين دي كان كله ۏجع اهو على الاقل يعرف انها مكانتش قاصده لا تبيعه ولا ټخونه ويعرف ان عبدالله كان مغلوب على امره
حسن بس عارفه ياما دره بردوا غلطت في حاجه واحده بس بيتهيألي لو كانت عملتها كان كل ده خلص من زمان
دعاء ايه هي
حسن المفروض كانت ركنت كل دول على جنب وراحت لكرم وقالتها في وشه واكيد هو مكانش هيفضل معاها وهي مش عيزاه
دعاء دره كانت
بتحترم كرم وبتعزه وخاڤت تجرحه كانت فاكره انه مش بيحبها بس كانت عارفه انه حتي لو مش بيحبها هتجرحه انها يعني مش عيزاه وفي النهايه يا ولا عقلها زمان بردوا مكانش زي النهارده كانت صغيره
حسن عموما يا أما اللي حصل حصل خلاص مفيش حاجه بترجع
دعاء على رأيك واكيد الايام قادره تهدي الدنيا بينهم وبين العيليتين
حسن يارب 
في صباح يوم جديد صحيت دره والبنات فطروا ولبسوا كانت بتحاول تكون طبيعيه عشان محدش فيهم يسألها على اي حاجه بعد وقت بسيط نزلوا من الشقه كانوا رايحين يشوفوا موضوع تقديم ورق الجامعه
في الوقت ده دره كانت بتفتح باب الشقه عند نبيله عشان تحضر الفطار 
دعاء صباح الخير ايه على فين
دره صباح النور ابدا كنت رايحه انا والبنات نخلص ورق جامعتهم
دعاء طيب مقولتيش ليه استني اتصل بحسن ينزل بسرعه ويوصلكم
دره لا لا مفيش لزوم وبعدين احنا متأخرين 
دعاء يابنتي متقاوحيش انتي هتعرفي تروحي ولا تيجي على الاقل عشان يبقي معاكي عربيه
دره مفيش داعي والله هناخد تاكسي
ظهر من الداخل زكريا وبصلها
دره صباح الخير 
زكريا صباح النور على فين
دره هروح اخلص ورق الجامعه بتاع البنات

 

زكريا وتاكس ايه اللي هتاخديه عندنا بدل العربيه اربعه
دره مفيش داعي يا بابا انا متأخره وعادي يعني اصلا هتنقل كذا مكان فا مش محتاجه عربيه
زكريا تتنقلي يبقى لازم عربيه ادخلي ثواني اكلم السواق يجهز العربيه
هزت دره راسها بطاعه ودخلت هي والبنات مع دعاء
خرجت نبيله من المطبخ لاقتهم في وشها للحظه قلبها اتقبض وفكرتها ماشيه بصتلها وسكتت
دره صباح الخير
نبيله صباح الخير
دعاء دره رايحه يا بلبله تقدم لبناتها في الجامعه وابويا بيتصل بالسواق عشان يوصلهم
هزت نبيله راسها من غير ولا كلمه
وقفوا البنات جنب بعض بيبصوا بقلق
دعاء تعالوا يا بنات اقعدوا
دارين بأبتسامه عشان منتأخرش بس يا طنط 
نبيله خلاص الامتحانات واقفه على الباب
دارين لا يا تيته بس عشان نلحق نقدم الورق
نبيله ايه تيته دي يابت
دارين ااا اقصد يعني
دعاء بأبتسامه جميله قوليلها يا بلبله ستك مبتحبش حد يكبرها 
دارين ماشي يا بلبله ولا تزعلي نفسك
بصتلها نبيله وابتسمت ابتسامه بسيطه لكن من جوه قلبها كان طاير من السعاده 
نبيله عشان محدش يحس بيها وانتي يا اختي يلا حضري الفطااار
دعاء عيني يا بلبله
ابتسمت دره وبصت للارض
زكريا السواق مستني تحت هيوصلكم لفين ما تحبوا خلصي كل مشاويرك وهو هيفضل ملازمك مفهوم
دره حاضر يا بابا 
نزل قدامها البنات وقبل ما تخرج
زكريا دره امسكي دول
بصت دره علي الظرف اللي في ايده وبعدين بصتله
دره ايه دول
زكريا ده مبلغ خليه معاكي يمكن تحتاجيه 
دره بإرتباك ااا لا لا شكرا انا معايا الحمد لله ووو
زكريا مبنحبوش