روايه ابني ليل الكاتبه اميره اسامه
المحتويات
تبقوا مع بعض وانا هاخد دكتور عمرو ونطلع نشوف والدته
عمرو معلش هتعبك معايا تاني بس خلي مريم معاكي انا مش هقدر اخليها معايا الوقت ومقدرش اسيبها لوحدها
سونه لا لوحدها ده ايه ما احنا هنا معاها روح واطمن عليها يا دكتور
عمرو شكرا
كرم خلي بالك عليها يل سونه شويه وهطلعلكم
سونه في عنيا يا دكتور كرم
ابتسم كرم بهدوء وخد عمرو ومشيوا
نبيله يا بنتي اهدي العياط والزعيق غلط عليكي امك كويسه
زكريا دره في العمليات يابنتي بتشوف شغلها هي اطمنت عليكي
ديما عشان خاطري يا جدو من فضلك خليني اروحلها
عبدالله لا حول ولا قوة إلا بالله يا ديما يا بنتي انتي كبيره ومش صغيره وعارفه ان ده شغلها اللي بتعمليه ده هيتعبك
ديما طيب لو خاېف عليا بجد يا خالو خليني اروح لمامي لو فضلت هنا ھموت والله ھموت
ديما لا مشوفتهاش
نبيله ازاي بس دي خرجت بعدك علي طول
ديما طيب شوفها فين وقولولها تيجي عايزه اشوفها واطمن علي اخواتي
زكريا بحب اخواتك زي الفل ودره الوقت تيجي اكيد مش هتسيبك من غير ما تطلع تبص عليكم تاني
مها ايه القمر فاقت عامله ايه الوقت
ديما عشان خاطري يا طنط شوفي مامي فين
مها بابتسامه حزن اهو طول ما انتي بتقولي طنط كده مش هنسال فيكي
ديما طيب يا مها شوفي مامي انا عيزاها
بكر القمر بيعيط ليه بس انتي مش عارفه ان العياط غلط عليكي
ديما محدش عايز يجيبلي مامي
بكر وهتعملي ايه بمامي واحنا كلنا معاكي اهو وبعدين هي بتشوف شغلها ينفع يعني تسيب كل اللي محتاج مساعدتها وتيجي تقعد جنبك
بكر ولا حاجه زي الفل ودانه كانت معانا الوقت راحت مع سونه والوقت يطلعوا
ديما طيب دارين فين
وهيما و احمد ومحمد وحسن كلهم فين انا سوفت الحاډثه كلها وشوفت الناس وهي بټموت وعارفه ان فيهم حاجه
بكر لا لا والله زي الفل
مها حسن واحمد وهيما في الأوضه اللي جانبك نروح نجيبهملك من هدومهم الوقت عشان تطمني
ديما طيب دارين وسماح ومحمد
مها يابت يعني لو في حد فيهم جراله حاجه هنبقي واقفين قدامك وبنحاول نضحكك
بكر انتي عارفه ان الحاډثه كانت كبيره واكيد الكل اټصاب بس الحمد لله محدش جراله حاجه
ديما يعني هما حصلهم حاجه
قعدت مها جنبها وضمتها
مها تعالي يابت بطلي عياط كلهم زي القرود مټخافيش
سونه اااااااه يابنتي ااااه ياقلب امك سماح ردي عليا يا حبيبتي قولي اي كلمه طمني قلبي عليكي
دانه بدموع سماح سماح انتي سمعانا
سماح امممم عايزه اشرب
دانه حاضر هجيبلك حالا
سونه لا استني المايه غلط عليها شويه ونشربها سماح انتي كويسه يا حبيبتي قومي عشان خاطري وطمنيني عليكي
سماح ماما
سونه بدموع وفرحه انا هنا ياقلب امك انا هنا يا حبيبتي حقك عليا متزعليش مني سامحيني مكنتش نقصد قومي يا احلي عروسه في الدنيا قومي عشان نفرح بيكي انتي وحسن
سماح حسن حسن
سونه حسن كويس يا سماح زي الفل
دانه سماح ردي علينا حسن كويس ومستنيكي
سماح الترام ھنموت ھنموت ااااه حسن يا سونه
سونه ياقلب سونه انتي كويسه يابت وهتبقي زي الفل وانا جنبك مش هسيبك يا قلب امك من جوه
الممرضه معلش ممكن تسيبوها ترتاح الكلام كتير هيتعبها
سونه حاضر حاضر هنسكت خالص بس هي ليه مش فايقه
الممرضه متقلقيش هي تحت تأثير البنج لسه بس فاقت مټخافيش عليها سيبوها بس ترتاح شويه ونص ساعه تكون فاقت خالص
دانه تمام خلاص يا سونه سبيها ترتاح شويه والوقت تفوق
وتطمني عليها
سونه حاضر انا جنبك يا بت يا سماح مش هسيبك غير لما تقومي
بصت دانه جنبها لقتهم ماشين بسرير دارين ورايحين بيه علي الاسنسير
دانه دارين يا سونه اهي دي خرجت
سونه الف حمد وشكر ليك يارب تعالي نشوفها والنبي يا اختي خلي بالك منها هنرجعلها تاني
الممرضه حاضر متقلقيش انا معاها
جريت سونه وراء دارين وراحوا علي السلم طلعوا علي فوق وجريوا وراء دارين يدخلوها علي الاوضه
ديما دارين دارين فيها ايه
مها بس بس خلاص هي كويسه
الممرضه من فضلكم اخرجوا بره لحد ما ما نعرف نحطها علي السرير
بكر تمام تما يلا تعالوا بره
عبدالله طيب نساعدكم
الممرضه ياريت انت والاستاذ بس تحطوها معانا علي السرير
دانه دارين
ديما دانه انتي كنتي فين
دانه انا هنا حقك عليا
زكريا تعالي بره الوقت يا دانه لحد ما يحطوا اختك
مها استني هتجيلك الوقت
الممرضه يلا جاهزين
بكر يلا بسم الله
مسكوا طرف الغطاء وشالوها نقلوها علي السرير
دارين اااااه
مها براحه عليها
دينا دارين ردي عليا
مها طمنيني عليها لو سمحت
الممرضه زي الفل متقلقيش
مها طيب دي خارجه بقالها كتير ليه مفاقتش
الممرضه لا فاقت بس الدكتور مديها مهدئ عشان تنام متقلقيش هي بخير والله
بكر شكرا
خرجوا الممرضين بالترولي وهما دخلوا وراها
مها ودعاء وقفوا يغطوها كويس
دانه جريت علي ديما حضنتها وهي بټعيط حقك عليا
ديما سيبتوني ليه انا كنت مړعوبه
دانه مټخافيش احنا معاكي متعيطيش بقي
ديما دارين مالها طيب فيها ايه
دانه كويسه والله عملت عمليه
بسيطه واهي خرجت اهي
ديما عمليه ايه
دانه الازاز عورها وكان لازم تعمل عمليه بس كلهم قالوا انها كويسه وعشان كده جابوها معاكي
نبيله دارين ردي عليا يابنتي سمعاني
بكر سيبيها يا بلبله خايها مرتاحه شويه
نزلت دموع زكريا وفضل يمسح في دموعه بالمنديل
عبدالله ماتوحد الله يابا ايه مالك بس العيال كويسين اهم
زكريا صعبان عليا دره وۏجعها علي البنات وصعبان عليا العيال كلهم اټصابو
بكر بس كلهم بخير يابا اجمد كده احنا بنستقوي بيك انت والمعلم
رفاعي الحمد لله علي كل حال نحمد ربنا انها جات علي قد كده
سونه صح يا معلم انا قولت كده يحصل اللي يحصل في بنتي المهم انها معايا ونفسها وحسها في الدنيا واي حاجه تيجي خير من عند ربنا
رفاعي ونعم بالله
مها سماح عامله ايه يا سونه
سونه لسه مفاقتش اوي بس خرجت في الدور اللي تحت
نجوي طيب ليه مطلعوهاش هنا عشان متفضليش طالعه نازله
سونه كرم قال لما يخلص مع دكتور عمرو هيطلعها هنا
نجوي هو قاله اللي حصل
سونه اه قاله واټصدم يا عيني عليه هو كمان طلع يودع امه
مها بحزن ربنا يكون في عونه هو كمان بنقولك ايه البت دي شكلها تعبان خليها تيجي تنام هنا علي الكنبه
نبيله هاتيها هنا يا سونه حرام البت من بدري راحه جايه واكيد خاڤت من المناظر اللي بتشوفها دي
مسكتها سونه وراحت قعدتها
علي الكنبه وقعدت جنبها
سونه نامي شويه يا مريم
مريم انا عايزه بابا هو فين
سونه جاي الوقت مش هو قالك خليكي شويه وهيجي ياخدك
مريم ايوه
سونه طيب نامي شويه وارتاحي يكون خلص شغله
بكر مريم انتي جعانه
هزت مريم راسها ببراءه
بكر بابتسامه حالا هنجيبلك احلي اكل ماشي
مريم شكرا يا عمو
بكر ابتسم وخرج هو وعبدالله وخرجت وراه مها بسرعه
مها بكر بكر
بكر ايه يا مها
مها محمد يا بكر لسه مخرجش قلبي واكلني عليه
بكر متقلقيش هنروح نطمن عليه ونطمنك
عبدالله هنشوف كرم كمان ونخليه يدخل يطمن عليه بنفسه
مها اه والنبي يا عبدالله كرم هو اللي هيعرف يطمنا وبالمره يوصي علي الولا دي عينه يا ناس انا خاېفه يا بكر
بكر مټخافيش يا مها هيبقي كويس اطمني الدكتور قال بسيطه خير والحمد لله علي كل اللي ربنا يجيبه
مها متتأخرش عليا والنبي يا بكر
بكر حاضر والله
سابتهم مها وراحت تطمن علي هيما اخوها وعلي احمد وحسن كانوا مع بعض في اوضه واحده
دخلت لقتهم كلهم نايمين بس احمد فتح عينه اول ما الباب اتفتح
مها ايه يا حبيبي انت صاحي
احمد لا با مها مش عارف انام
مها ليه مش قولتلك ارتاح شويه
احمد تعبان يا مها اوي
مها فيك ايه يا حبيبي ننادي علي الدكتور
احمد انا عايز اي مسكن رقبتي ۏجعاني اوي ومش قادر نحركها
مها مش الدكتور وكرم قالولك متحاولش تحركها وبعدين انت لسه واخد مسكن قبل ما نطلع
احمد سكن الۏجع شويه بس رجع تاني
مها طيب انا هنشوف حد يجي يديلك مسكن المهم هيما مافقش
احمد سامعه كل شويه ينازع ابص عليه الاقيه مفتح عينه ويرجع ينام تاني وحسن كمان كان بيكلمني وراح في النوم مره واحده
مها سيبهم يا حبيبي يرتاحوا وارتاح انت كمان حتي لو مكانش جرالكم حاجه كفايه جسمكم اتكسر من الحاډثه واكيد محتاجين تنامو و تريحوا جسمكم شويه
احمد طيب طمنيني محمد عمل ايه والبنات كويسين
مها محمد لسه مخرجش والبنات زي الفل الحمد لله اطمن وحاول ترتاح شويه لحد ما نشوف حد يجي يديلك اي مسكن
احمد ماشي يا مها
مها انا في الاوضه جنبكم مع بنات دره ماشي
احمد ماشي يا حبيبتي
خرج كرم مع عمرو من الثلاجه عمرو كان مڼهار قرب منه بكر وعبدالله
كرم صلي علي النبي يا عمرو وشد حيلك كده
عمرو الحمد لله الحمد لله علي كل حال بس حاسس ان قلبي هيقف يا دكتور كرم حاسس اني في كابوس ومستني نصحي منه
كرم حاسس بيك والله ومش عارف نعملك ايه عشان ترتاح
عمرو ادعيلي بس ادعيلي ربنا يصبرني و يقويني علي اللي جاي
كرم لازم تعرف أن مهما كان الإبتلاء اللي بتمر بيه شديد عمره ماهيكون من نصيبك لو انت مش قده وتقدر تمر بيه ربنا ما بيديش لاي بني ادم فوق طاقته
عمرو بس طاقتي خلصت من يوم ما مراتي ماټت خلصت من يوم ما عرفت ان امي مريضه کانسر وكنا بنعافر مع بعض وكان عندي امل انها تعيش وتعدي صدقني حالتها كانت بتتحسن عشان كده صډمه مۏتها كانت صعبه عليا ياريتها مكانتش اتحسنت قدامي وقتها كنت هقول يمكن ربنا ريحها من المړض والتعب والكيماوي بس هي ماټت في توقيت غلط طاقتي خلصت وانا واقف علي رجلي عمال انقذ في الناس ومنعرفش ان في ۏجع مستنيني بره انا مش عارف اعمل ايه
كرم وحد الله وروح صلي ركعتين شكر صدقني هترتاح بعدهم روح اطمن علي ياسين وافرح ان ربنا نجاه و موجعش قلبك عليه وصدقني المۏت ملهوش توقيت الواحد مننا بيبقي سليم وبيقع وروحه بتفارق وانت عارف انها بتحصل كتير
عمرو ونعم بالله
بكر كرم البقاء لله يا دكتور
عبدالله شد حيلك وربنا يقوم ابنك بالسلامه
عمرو ونعم بالله
كرم دكتور كرم دول صحاب عمري و بكر جوز اختي وده عبدالله اخويا
عمرو اتشرفت بيكم
عبدالله منجيلكش في حاجه وحشه ابدا شد حيلك
عمرو الشده علي الله
كرم قولي هتعمل ايه
عمرو صلاه الجنازه
متابعة القراءة
