روايه ابني ليل الكاتبه اميره اسامه

رجعت بصت لدارين 
دارين اولا احنا سمعناكم من غير قصد لما كنا في المطبخ مع بعض وسمعناكي واحنا خارجين ومش هنكدب عليكي يا مامي احنا اټصدمنا يعني اه كل اللي حصل في بابي احنا كنا عارفينه ومزعلناش عشان هو اللي وجعنا وهو اللي بدأ بس كمان يا مامي اننا نعرف انه الحال أتدهور بيه لدرجه انه يبيع ورد
دانه مامي لما بابي جه المستشفي محدش فينا سكت كلنا جينا عليه مش عشان احنا حد وحش بس عشان هو كان يستاهل ده مننا وانا نفسي وقفت قصاده وتقريبا طردته ولما خدتي حقك

منه صممت اجي مع كرم عشان اقوله كلام يوجعه اكتر ويخليه يندم احنا وقفنا في ضهرك ومرضيناش نخذلك وبيتهيألي جبنالك حقك بطريقتنا رديناله وجعك بۏجع اكبر بس ده ميمنعش اننا نضايق انه يوصل للحاله دي 
ديما احنا مش هنقولك سامحيه بالعكس متسامحيش في حقك وكلامنا ده مش معناه اننا نسامح احنا كمان مش هنقدر بس احنا كل اللي طالبينه من حضرتك أنك تبعتيله مبلغ يقدر يعيش بيه او حتي يقدر يبدأ بيه من الصفر حضرتك قولتي ان الفلوس اللي رجعت دي احنا لينا نصيب فيها واللي هو حق بابي لو حضرتك رافضه تديله من نصيبك اديله من نصيبنا اللي كنتي حابه تديهولنا
اكيد مش هنقولك رجعيله كل حقه كل الحكايه مبلغ بسيط يقدر يعيش بيه يقدر يشتغل بيه ويبدأ حياته من جديد وكملت بدموع يمكن يا مامي هو عمل معانا كل حاجه وحشه ومحدش فينا صعب عليه بس احنا مش زيه يا مامي احنا مش هنقبل عليه الذل والإهانة حتي لو كان هو أقسي اب في العالم
دانه احنا وقفنا معاكي يا مامي ونصرناكي عليه وقدرنا نوصله نفس الشعور اللي عيشنا فيه بس بعد ما كل ده حصل فيه بيتهيألي
كفايه يعني دينا سابته ومبقاش معاه ولا مليم خسر شغله وكل حاجه أتعاقب بما فيه الكفايه ومتهيألي اكبر عقاپ ليه اللي هو فيه الوقت
دارين حقك اللي خدتيه كان حقك وحتي نصيبه بردوا حقك محدش فينا يقدر يقول حاجه وانتي مش ظالمه بس المبلغ اللي هنبعته يادوب يعيشه او يخليه يبدأ بعيد عننا بس عشان منبقاش حاسين بالۏجع يا مامي او عشان منحسش في يوم اننا ظالمين يمكن هو خرج من حياتنا بس لاخر يوم في حياتنا هيفضل ابونا وصعب علينا نعرف انه وصل للحاله دي ونفضل مكملين في قساوه القلب زي ما هو عمل وزي ما كان لسه ناوي يعمل ويخطط
دانه مامي بيتهيألي احنا لو معملناش كده حضرتك لازم
تخافي مننا كنتي ديما تقولي ان مهما الاب والام يعملوا بيفضلوا اب وام لينا حتي لو الاب ده ظالم او كافر او اي حاجه وحشه مينفعش نعامله وحش احنا مش عايزين بينا اي تعامل ولا عايزينه في حياتنا بس عايزين واحنا عايشين حياتنا عادي منبقاش حاسين بتأنيب الضمير خليه ياخد مبلغ صغير ويخرج من حياتنا خالص بس نبقي مطمنين يا مامي انه عايش كويس ومش متبهدل
مسحت دره دموعها بضهر ايدها وبصت لكرم بۏجع بمعني اعمل ايه
كرم بأبتسامه اسمعي كلامهم يا دره ده ابوهم مهما كان واوعي تزعلي منهم انتي عندك بنات تاخد العقل واللي جواهم ده جزء من اللي انتي ربتيهم عليه مينفعش تكوني ربتيهم بالشكل ده واول ما يحبوا يطبقوا اللي انتي ربتيهم عليه تزعلي منهم انا عارف انك موجوعه بس صدقيني ده الصح
خرجت تنهيده طويله من دره بصت للسقف وفضلت ساكته ثواني وكلهم مستنين اقول اي حاجه 
بصتلهم وابتسمت بهدوء 
دره تأنيب الضمير والوجوع اللي جواكم ده ميختلفش عن اللي جوايا واللي حسيت بيه وقت ما عرفت من چاك مش عشانه بس عشان انا جربت نفس الاحساس جربت الخۏف والاحتياج والذل
اللي انا عملته ده حقي بس مش هننكر اني حسيت اني ظالمه وافتريت عليه اوي رغم انه يستاهل اكتر من كده
انا هعمل اللي انتوا عايزينه مش عشانه ولا هو فارق معايا الوضع اللي عايش فيه انا هعمل ده عشانكم انتوا عشان اللي ربيتكم عليه ميبقاش مجرد كلام وكملت بدموع هعمل ده عشان انا فخوره بيكم فوق مل تتخيلوا وققتوا في وشه عشاني وعملتوا فيه اللي فاجئني وانهارده بعد ما اطمنتوا ان حقي رجعلي قررتوا تقفوا معاه عشان مهانش عليكم تشوفوا مذلول وده لوحده يعرفني اني لما تعبت في تربيتكم ربنا وفقني بجد
وخلاني اطمن ان مهما يحصل مهما ازعلكم عمركم ما هتبيعوني او تقبلوا عليا اي حاجه
انا فخوره عشان انتوا عندكم احلي واجمل وانضف قلب في الدنيا وقلبكم الجميل ده خساره فيه
قامت من مكانها وراحت عليهم ضمتهم بكل قوتها
محدش كان عنده اي تعليق بس كلهم كانوا مبسوطين من البنات
مها لا بنقولكم ايه نفوق كده بقي خلاص مش ناقصين نكد احنا داخلين علي افراح كتير وعايزين نتبسط 
ابتسمت دره والبنات وقدروا يعدوا اخر موقف جات فيه سيرة يوسف
بصت دره بحب لكرم وقربت منه بهمس 
دره لو دخلت كل حروب الدنيا وقدرت انتصر هتفضل انت اعظم واهم انتصاراتي انت مفيش زيك يا كرم انا بجد بحبك وبنتمي لقلبك اللي مفيش قلب زيه في الدنيا 
كرم وانا بحبك يا احلي دره في الدنيا وصدقيني اللي حصل ده احسن عشانك وعشان البنات مش حابب حد فيكم يعيش في تأنيب ضمير البنات عرضوا اللي جواهم وانا وافقتهم عليه وشجعتهم بناتنا حلوين اوي يا دره لازم تكوني بجد فخوره بيهم 
دره فخوره بيهم وفخوره بيك انت اكتر ربنا يخليك لينا
كرم ويخليكم ليا يا بنت قلبي
وللحديث بقيه 
أبن ليل
صاحبة البطل الواحد
أميره اسامه
البارت السادس و الخمسين 
الروايه حصريه لمدونه ايام نيوز
الأيام كانت بتجري و الكل كان مشغول لأن التحضير لثلاث جوازات مش سهل خصوصا لو في وقت قصير 
بعد أخر قعده ليهم بيومين سافر عبدالله وبكر ومها ودعاء السفريه اللي دره أهدتهم بيها عشان يفصلوا يومين من الضغوط ومن كل حاجه ويعمل ا رحلة استرخاء مدتها اسبوع 
في خلال الأسبوع ده بدأت تحصل احداث كتير وحرفيا كرم كلن مسحول جاب صنايعيه في شقته اللي في بيت أبوه وجاب صنايعيه لحسن عشان هو كمان يبدأ يجهز 
اما شقته الخاصه مكانتش محتاجه اي شغل هي كانت عباره عن تحفه فنيه لكن قرر كرم يضيف لمسات فنيه زياده و قرر يغير الفرش اللي فيها بفرش أجدد علي ذوق دره كله سواء في شقته الخاصه او شقتة في بيت العيله 
وبعد ما حسن خد رأي سماح في كل حاجه تخص الشقه في نظامها اشتغل الصنايعيه علي طول
وبدأوا ينزلوا كل يوم يختاروا مع بعض كل ركن في شقتهم وطبعا علي حساب دره الخاص زي ما قالت 
اما دره فا هي كمان كانت مسحوله بين اختيارها للعفش في الشقتين بتوعها وبين نزولها مع سونه وسماح بعد ما تخلص مشاويرها مع حسن الكل كان تعبان و البنات مكانوش بيسيبوا سماح بيختاروا معاها كل حاجه وبيشتروا لنفسهم معاها زي ما طلبت منهم دره 
واخيرا اختار عمرو وسونه الشقه كانت في نفس الشارع عجبتهم اوي كانت ثلاث اوض وريسيبشن ومطبخ واتنين حمام وعرض عمرو الشقه للبيع وبدأوا هما كمان يشطبوا الشقه مكانتش محتاجه شغل كتير كانت بس محتاجه دهان بألوانات مناسبه يختاروها
سونه كل ما كانت تختار حاجه تسأل دره والبنات واوقات تلجأ لنبيله و نجوي كانت فرحانه اوي بأختيارها لكل ركن في البيت كأنها اول مره تتجوز 
وفرحتها كانت مقسومه اتنين فرحه خاصه بسماح اللي هتبقي عروسه اخيرا وفرحتها بنفسها والحياه الجديده اللي داخله عليها 
والحقيقه ان الايام اللي كانت بتقضيها مع عمرو في كل المشاوير اللي بيعملوها قربتها منه اوي وبدأت تحس بمشاعر جميله جواها 
الاسبوع متوقفش علي تجهيزات الجواز وبس خاصتا عند دره وكرم
لكن في عز ما كانوا مشغولين كانوا بيحاولوا يخلصوا اي حاجه ليها علاقه بهدايا دره ليهم 
واول حاجه كانوا بيجهزوها عشان تتم بعد رجوع عبدالله وبكر ومها ودعاء هو سفر ابوها وامها وابوه وامه للعمره وبالفعل بدأوا يخلصوا كل الاوراق المطلوبه و اختيار معاد الرحله 
ومع كل ده بدأ كرم يتفق مع ناس تيجي تجهز الارض بتاعت بكر كان وقت مناسب وهو مسافر عشان يقدر يتحرك ويروح ويجي من غير ما يحس وميبوظش لدره المفجأه بتاعتها ليه 
اما هيما وسونه خلصوا كل الاوراق المطلوبه للعربيات الجديده 
ومقدرتش دره تنسي اهم حاجه عشان تكمل فرحه بناتها وقررت انها تتواصل مع چاك عشان يسلم

ليوسف المبلغ اللي قررت تبعتهوله
وبالفعل عملت كده في البدايه يوسف مكانش مصدق واټصدم من رد فعل دره والبنات واحساسه بالندم بعد موقفها ده زاد أضعاف
والموقف ده بالتحديد قدر يوسف يستوعب حجم الغلط اللي غلطه في حق دره وعرف انه خسرها للأبد عرف انه ميستهلهاش هي والبنات يمكن كان استسلم بعد كل اللي حصل معاه وقرر يشتغل اي حاجه عشان يقدر يعيش لكن الموقف اللي دره عملته خلاه يقرر انه يرجع يقف علي رجله من تاني وحتي لو هما خرجوا من حياتهم حقهم لان اللي عمله مكانش بسيط لكن قرر يعوضهم بطريقته اول ما يقدر يقف علي
رجله
وأخيرا اكتشف الفرق بين دره ودينا لكن اكتشافه ده كان بعد فوات الاوان 
اما عند البنات والشباب كل يوم كانوا بيتعلقوا ببعض اكتر دارين وهيما علاقتهم بقت اقوي بكتير
حب دارين بقي واضح وضوح الشمس وقدر هيما بمواقف بسيطه يخليها تنسي ادم كأنه مكانش موجود وعرفت معني الحب بجد وان اللي كانت عيشاه مع ادم مجرد شعور مراهقين وهي اكتشفت ان علاقتها بآدم مكانتش اكتر من هروب بعد الموقف اللي شافت فيه ابوها ودينا كانت بتحاول تدور علي آمان تاني غيره او بتحاول تشغل نفسها في علاقه عشان تبطل تفكير لكن الاكيد انها مكانتش قصه حقيقيه 
اما دانه ومحمد علاقتهم كانت جميله اوي قدر نحمد يخطف قلب دانه بجد وقدرت هي كمان ټخطف قلبه 
الأيام كانت بتجري تقريبا كل الناس خلاص عرفت بخبر جواز دره وكرم كانوا فرحانين لكرم من قلبهم 
رجع عبدالله وبكر ومها ودعاء من سفريتهم اللي حسنت نفسيتهم كتير كانوا راجعين مبسوطين كأنهم لسه عرسان في شهر العسل
وبعد رجوعهم بيومين ودعوا كبار العيله ووصلوهم للمطار بنفسهم وطلبوا منهم يدعولهم كتير
كانوا طايرين من الفرحه ومبسوطين اوي وبالاخص لانهم مع بعض في سفريه واحده بعد سنين انقطاع عن بعض 
وبمجرد ما مها ودعاء رجعوا بدأوا يشيلوا عن دره شويه وبقوا ينزلوا مع سونه وسماح و وصتهم دره يشتروا كل حاجه نفسهم فيها والبنات كانوا معاهم 
ورجعت دره من تاني