روايه ابني ليل الكاتبه اميره اسامه
المحتويات
دعاء لنبيله بحزن
دعاء حقك عليا يا اما متزعليش والنبي انتي عارفه انا بنحبك قد ايه بس دره تعبانه يا بلبله و محتجاكم و ملهاش غيركم كان لازم نعملوا كده عشان ترضوا انها تفضل
بصتلها نبيله واخيرا سمحت لدموعها تنزل
دعاء وحشتك صح
نبيله ليه عملتي فيا كده يا دعاء
دعاء عشان كنت عارفه انك محتجالها زي ما هي محتجالك متكابريش يا أما مش عيب ولا حرام انها توحشك او انك تفرحي برجوعها ده انتي تعبتي من بعدها كتير وجه اليوم اللي ترتاحي بقى
ابتسمت دعاء من بين دموعها نبيله بحب
دعاء ياريت الدنيا كلها في حنيتك يا بلبله
نبيله سابتها ودخلت على
اوضتها واول ما دخلت بصت لزكريا واڼهارت خدها زكريا في وهو موجوع عليها وعلى نفسه
نبيله وحشتني يا زكريا وكان نفسي ناخدها في حضڼي بس مقدرتش موجوعه منها اوي
زكريا كله هيرجع زي الاول يا نبيله المهم انها معانا
حسن تؤمريني بحاجه تانيه يا عمتي
دره تسلم ايدك يا حسن تعبتك معايا
حسن تعب ايه بس يا عمتي تعبكم راحه
دعاء يلا ياولا اطلع وانا هنيجي وراك الوقت
خرج حسن وقربت دعاء من دره بحب بعض تاني
دعاء اخيرا يا بت رجعتي
دره كان نفسي ألمسهم و اترمي
في خضنهم يا دعاء
دعاء يابت كله بوقته هيحصل المهم انها عدت على خير والحمد لله اللي حصل ده في مصلحتنا انا كنت متوقعه اكتر من كده بكتير بس الحمد لله عدت
دره الحمد لله المهم اني شوفتهم
دعاء طيب يلا يابنات طلعوا غيار و لو حد عايز ياخد دش دافي تعالوا اوريكم طريق الحمام ولحد ما تظبطوا نفسكم هحضرلكم حاجه خفيفه تاكلوا وبكره هنعملكم احلى غداء
دعاء تعب ايه ده انا بنحلم باليوم ده من زمان يا بت
ابتسمت دره بحب وهي ماسكه ايدها ربنا يخليكي ليا عمري ما هننسالك وقفتك معايا
دعاء انا معملتش حاجه يا دره ويلا بقى كفايه كلام ظبطي نفسك انتي والبنات وانا هنروح نحضرلكم الاكل
دره ماشي
خرجت دعاء وسابتهم بصت دره للبنات وبسرعه بعض
دره الحمد لله عدت على خير يا بنات
دره قولتلكم ان مفيش في الدنيا اطيب منهم
دانه صراحه جدو ممكن لكن انا خۏفت من اخوكي ومامتك
دره صدقيني مفيش في طيبه قلبهم هما بس لسه تحت تأثير الصدمه وبعدين ايه اخوكي ومامتك دي اسمهم
خالو وتيته او بلاش تيته خلوها بلبله مش ناقصه تقلب علينا
ضحكوا البنات هما ودره
ديما اه احسن يا مامي متقلقيش
دره طيب يلا طلعوا غيار وغيروا
دارين انا عايزه اخد شاور مش قادره
دانه وانا كمان
دره طلعوا لبسكم و ادخلوا خدوا شاور
بعد وقت بسيط خلصوا البنات ودره حمامهم ودخلت دعاء بصنيه عليها ساندوتشات
دعاء يلا عيزاكم تاكلوا كل ده وجبتلكم كمان بطاطين زياده والسرير هنا مش هيقضي اتنين منكم يروحوا اوضه عبدالله لحد بكره على ما الشقه بتاعتكم تجهز
دره متقلقيش هنظبط احنا الدنيا
دعاء ماشي انا هنطلع بقى ومن النجمه هتلاقيني عندك متقلقيش
دره متحرمش منك يا دعاء وعشان خاطري بلاش تحتتكي بعبدالله الوقت كفايه وقفتك قصاده عشاني
دعاء متقلقيش عبدالله طيب و أسمعي مني ده فرحته مش سيعاه برجوعك هو بس اللي مش عايز يبين ومتشليش همي انا هنعرف نتكلموا معاه ونراضيه
دره طيب يلا يا حبيبتي اطلعي لجوزك وارتاحي سهرتك كتير انهارده
دعاء بحب كله يهون عشان خاطر عيونك هنحكوا كتير اوي مع بعض ماشي
دره بإبتسامه ماشي
طلعت دعاء فتحلها حسن
دعاء بصوت واطي فين ابوك
حسن دخل نام وادخلي انتي كمان نامي وارتاحي ومتقلقيش
دعاء بحب نقلق وانت موجود يا ولا انا اول مره انهارده نحس اني خلفت راجل بصحيح وقفت جنبي وقفه مش هننسهالك عمري
حسن حبيبتي يا دودو انا معملتش حاجه وبعدين انهارده بس اللي حسيتي انك خلفتي راجل
ضحكت دعاء وخدته في
حسن بحب يلا يا ست الكل ادخلي ارتاحي واطمني خلصت خلاص
دعاء يارب تكون خلصت زي ما بتقول يا حسن
حسن هيحصل ايه تاني يعني هيتكلموا ما لازم يتكلموا ويتصافو
دعاء منقصدش على ستك وجدك وابوك انا نقصد كرم يا ولا لما يعرف انها رجعت مش هيسكت
حسن متقلقيش هتعدي زي ما بتعدي على طول ويلا ادخلي نامي متشغليش راسك ببكره سيبيها تيجي زي ما ربنا مدبرها
دعاء ونعم بالله احيه عالعقل اللي نزل عليك يا ولا مش مصدقاك
حسن بضحك انا غلطان اقولك كيرو مش هيسكت وهيطربق الدنيا على راس عمتي وراسك وراسنا كلنا ارتاحتي
دعاء اهو كده نصدقك مش تقولي هتعدي على خير
حسن يلا تصبحي على خير
دعاء وانت من اهله
دخلت دعاء على اوضتها لقت عبدالله نايم او بيتظاهر انه نايم قررت متجيش جنبه وراحت على جنب السرير بتاعها ونامت وهي مبتسمه وسعيده
خرجت دره من اوضت عبدالله بعد ما اطمنت ان دانه وديما نامو
وراحت على اوضتها طلعت على السرير
ابتسمت دارين وشدت ايدها ونامت في
باستها دره من راسها بحب
دارين على فكره طنط دعاء طلعت جدعه وطيبه اوي يمكن اكتر ما كنتي بتتكلمي عنها
دره دعاء دي اختي مش مرات اخويا طول عمرنا صحاب وقريبين من بعض ومش جديد عليها وقفتها جنبي
دارين تفتكري جدو
وتيته اقصد بلبله هيتقبلوا وجودنا
دره مش عيزاكم تشيلو هم ابدا حتى لو ده محصلش في البدايه بس اكيد هيحصل متقلقيش
دارين مش قلقانه كفايه انك معانا يا مامي ربنا يخليكي لينا
دره ويخليكم ليا يا حبايبي
دارين بس انا بردو عندي فضول اعرف ايه سبب كل ده
دره بإبتسامه الفضول ده مش طبعك ايه ديما ودانه بهتوا عليكي
دارين بضحك يعني
دره هعرفكم كل حاجه بس مش وقته خلينا الاول نهدأ ونستقر
دارين زي ما تحبي يا مامي
دره يلا نامي بقى وارتاحي
دارين تصبحي على خير واه على فكره اوضتك جميله اوي
دره بإبتسامه هاديه وانتي من اهل الخير يا روحي
نامت دارين وغمضت عينها
اما دره فا عينها كانت على كل ركن في الاوضه وهي مبتسمه وكأنها بتعيد كل الذكريات
اتنهدت تنهيده طويله كلها راحه ولمحت عروستها قامت بهدوء جابتها وراحت على السرير خدتها في وغمضت عينها دقايق بسيطه وكانت ڠرقانه في نوم عميق وكأنها طول السنين اللي فاتت كانت مفتقده الراحه والامان اللي هي حاسه بيهم في اوضتها
في صباح يوم جديد رجع كرم على الشارع بتاعه كان جاي متأخر شويه عن المعاد اللي بيفتح فيه عشان كان سهران كتير ومن اول ما دخل الشارع وهو حاسس بحاجه غريبه نظرات الناس كل اتنين ماسكين ودن بعض و بيتوشوشوا ويبصوا عليه مكانش فاهم في ايه قرب من المحل بتاعهم كان رفاعي وبكر وهيما ومحمد واحمد واقفين يتكلموا واول ما لمحوا سكتوا
كرم صباح الخير
الجميع صباح النور
كرم راحت عليا نومه معلش يا بكر فتحت الدكان لوحدك
بكر بإرتباك ولا يهمك يا صاحبي
بصلهم كرم بإستفهام انتوا كويسين
هيما اااا اه زي الفل بتسأل ليه
بكر مش عارف بس من اول ما دخلت الشارع حاسس ان في حاجه غريبه والخلق مش علي بعضها كأن كان في عاركه
قام رفاعي وسند علي عصايته
رفاعي كرم في حاجه حصلت لازم تعرفها يا ابني
بكر سيبلي انا كرم يا معلم هنقوله كل حاجه
كرم بقلق في ايه مالكم حد جراله حاجه
بكر لا لا كله تمام بسسس
كرم بعصبيه ما تنطق يا بكر وقعت قلبي يا جدع
رفاعي دره رجعت يا كرم
وقعت الجمله علي كرم كأنها صاعقه فضل باصص لبكر وثواني ولف ضهره لابوه وبصله وهو عينه بتحمر وعروقه بتنفر وبيتحول حرفيا
كرم قولت ايه يابا
بكر دره رجعت امبارح الفجر هي وبناتها يا كرم ولازم نقعد نت
مكملش بكر كلامه واختفي كرم من قدامه زي البركان اللي علي وشك الإنفجااااار
بكر كررررررم
رفاعي ارجع يا كرم الحقوا يا بكر بسرعه
وللحديث بقيه
أبن ليل
صاحبة البطل الواحد
أميره اسامه
البارت السابع
مها بلبله يا بلبله انتي فين
نبيله ېخرب عقلك خضتيني انتي ډخلتي ازاي
مها الباب كان مفتوح ايه دخل عليكم حرامي ولا ايه
نبيله بضحك وهو الحرامي يعرف يسد معانا يا بنت نجوى
مها على رأيك ده يبقى دخل الڼار برجله
نبيله فين امك
مها جايه ورايا بس انا طلعت قبلها انتي عارفه بقى على بال ما تجهز نكون اتشليت جنبها
نبيله يابت تفي من بوئك بعد الشړ عليكي
مها خاېفه عليا يا قمر
نبيله امال نخاف على مين لو مخوفناش عليكم يا بت الهبله
مها ألا قوليلي ايه ريحه الاكل الحلوه دي نتحملوا ازاي انا الوقت وانا صايمه كده
نبيله خلاص فات الكتير ما بقى إلا القليل ساعه و المغرب تأذن ونفطروا سوا
مها طب هي فين البت دره
نبيله دره رجعت من الدرس هلكانه قالتلي هتنام شويه لحد ما تيجي
مها انا عارفه تاعبه روحها ليه ست الدكتوره دي
نبيله مصممه يا اختي تجيب مجموع عايزه تدخل كليه الطب زي كيرو وتبقى دكتوره
مها على اساس كيرو دخل طب لسه اهو بيعافر مع الثانويه لسه وهي لسه قدامها سنتين على الثانويه تاعبه روحها من الوقت ليه ما عندك انا والبت دعاء اهو في نفس السنه معاها وضاربين الدنيا صرمه
نبيله طيب انتوا فاشلين نعملوا معاكم ايه وبعدين انا قولنالها اللي بتقوليه ده قالتلي ان كيرو قالها لو ده حلمها بصحيح يبقى لازم تتعب عشان تقدر توصله
مها على ما توصل هتكون ضيعت عينها وتعبت روحها هي وهو
نبيله انا عارفه بقى اهو سيبيهم يمكن ربنا يحقق حلمهم وبعدين دره واخده الموضوع جد واخوكي اللي شجعها على كده وهي قال ايه بتعتبره مثلها الأعلى
مها سيبك انتي منهم يا بلبلتي دي عالم دماغها تعبانه على رأي امي البت ملهاش غير بيت جوزها
نبيله جوزها في عينك انتي لا هتتجوزي ولا تشوفي جواز غير لما تخلصي تعليمك انا بنقولك اهو انتي والبت دعاء مش عايزه دره وكيرو يبقوا احسن منكم
مها دره دي اللي هي بنتك بتحرضيني على بنتك يا بلبله
نبيله وانتي وهي ايه يا موكوسه مش واحد يلا ادخلي صحيها تقوم تفوق كده
مها ماشي انا رايحه نصحيها
نبيله صحيها براحه يابت المخبوله مش ناقصه وش وۏجع الراس بتاعكم انا صايمه بلاش نطلعه عليكم
مها بس كده ده احنا هنريحووووها
دخلت مها على اوضه دره ووقفت على السرير تغني وتتنطط عشان تصحيها
مها وأقروا الفاتحه لابو العباااااس يا اسكندريه يا اجدع ناس يا اجدع ناس
يا دره يا دررررره اصحيييييي
فتحت دره عينها پغضب
دره بتعملي ايه في اوضتي
مها بنشموا هوا
دره طب و دين
متابعة القراءة
